«меҳнат мигрантлари» тегли мақолалар
Меҳнат миграциясидан қайтганларни ишга олганларга 12 ой давомида субсидия тўланади
Ўзбекистонда 1 июндан меҳнат миграциясидан қайтиб келган шахсларни ишга қабул қилган иш берувчиларга ҳар бир ишга олинган ходим учун 12 ой давомида ойига 500 минг сўмдан субсидия тўланади. Шунингдек, ушбу шахсларни ҳамда уларнинг оила аъзоларини бепул тиббий кўрикдан ўтказиш йўлга қўйилади.
Хорижда ишловчиларга «ишчи виза»ни расмийлаштириш учун компенсация берилади
1 июндан меҳнат миграциясига кетаётган фуқароларга хорижий тиллар ёки касб бўйича малака имтиҳонларини топшириш, «ишчи виза»ни расмийлаштириш ва йўл чиптасини харид қилиш билан боғлиқ харажатларини қисман қоплаш учун компенсация тўланади.
Ўзбекистонда меҳнат мигрантларини қўллаб-қувватлаш бўйича янги чоралар эълон қилинди
Ўзбекистонда ташқи меҳнат бозорига киришни осонлаштириш ва ўз ватанига қайтган мигрантларни қўллаб-қувватлаш чора-тадбирлари ишлаб чиқилди. Бунда меҳнат миграцияси масалалари бўйича атташе лавозими жорий қилинади, 24 соатлик Call-марказлар очилади, шунингдек, харажатларнинг бир қисми қопланади.
Омбудсман россиялик ҳамкасбига мигрантларга нисбатан зўравонлик ҳолатлари юзасидан мурожаат юборди
Ўзбекистон омбудсмани Екатеринбургда ўрдаксимон юришга мажбурланган меҳнат мигрантларининг камситилгани юзасидан Россия омбудсманига мурожаат қилди. Улардан қанчаси Ўзбекистон фуқаролари бўлганига аниқлик киритилмаган. Қирғизистон ТИВ эса «Россия федерал органлари даражасида» иш қўзғатган.
Россиядан Ўзбекистонга пул ўтказмалари босқичма-босқич камаймоқда — Жаҳон банки
Россиядан Ўзбекистонга пул ўтказмалари ҳажми босқичма-босқич камайиши кузатилмоқда, дейилади Жаҳон банки ҳисоботида. Ўтказмалар миқдоридаги камайиш Россиядаги ўзбекистонлик меҳнат муҳожирлари сони қисқаргани, сўм курсининг рублга нисбатан мустаҳкамлангани ва рубль инфляцияси билан изоҳланган.
Миграция агентлиги Россия иқтисодий ривожланиш вазирининг мигрантлар сони ошгани ҳақидаги сўзларини рад этди.
Россия иқтисодий ривожланиш вазири Максим Решетников сўнгги етти йил ичида Ўзбекистондан Россияга ишлаш учун келган меҳнат муҳожирлари сони тўрт баравар ошганини айтди. Ташқи меҳнат миграцияси агентлиги бу маълумотларни рад этиб, аксинча, уларнинг сони камайганига ишора қилди.
Москвада тўрт ойлик иш ҳақини ололмаган ўзбек ва тожик мигрантлари норозилик ҳаракати уюштирди
Москвада ноябрдан буён иш ҳақини ололмаётган мингдан зиёд ўзбекистонлик ва тожикистонлик мигрантлар норозилик ҳаракати уюштирди. Ташқи меҳнат миграцияси агентлиги жароҳатланган ва ҳибсга олинганлар орасида Ўзбекистон фуқаролари йўқлигини маълум қилди.
Йил бошидан бери 317 мингдан ортиқ мигрант Россиядан қайтиб келган — Миграция агентлиги
Январь-ноябрь ойларида хорижий давлатлардан 508 минг нафар, биргина Россиянинг ўзидан эса 317 мингдан ортиқ мигрант Ватанга қайтиб келган. Меҳнат вазирлиги вакилига кўра, мигрантлар қишни Ўзбекистонда ўтказиб, баҳорда яна қайтиб кетади, бу доимий кузатиладиган ҳолат.
Москвада автобуслардан ўзбек тилида рус армиясига чақириқлар олиб ташланди
Аввалроқ ижтимоий тармоқларда Москва автобуси салонида ўзбек тилида Россия армияси сафига қўшилиш чақириғи эфирга узатилган лавҳалар пайдо бўлган эди. «Мосгортранс» бундай хабарлар аллақачон эфирдан олиб ташланганини маълум қилди.
Ўзбекистон хориждан қайтган меҳнат мигрантларини қандай қилиб иш билан таъминламоқчи?
Меҳнат вазирлиги хорижда ишлаб, Ўзбекистонга қайтган меҳнат мигрантларини иш билан таъминлаш мақсадида бир қатор чора-тадбирларни кўриш таклифини билдирди. Улар қаторидан «50×50» дастури доирасида 40,5 млн сўмгача ҳамда ҳар бир мигрант учун иш берувчига 405 минг сўмдан субсидиялар ажратиш, 1 гектаргача ерни 30 йилга ижарага бериш, қолаверса, 50 мингдан ортиқ мигрантни ҳақ тўланадиган жамоат ишларига жалб қилиш ўрин олган.
Мигрантлар ва уларнинг оила аъзолари билан «маҳаллабай» ишлаш таклиф этилмоқда
Хориждан қайтган меҳнат мигрантлари ва уларнинг оила аъзоларига «маҳаллабай ишлаш» тизими асосида хизматлар кўрсатиш режалаштирилаяпти. Президент қарори лойиҳасига кўра, маҳаллалардаги ҳоким ёрдамчилари, ёшлар етакчиси, хотин-қизлар фаоли, меҳнат инспектори ёрдамчиси ва маҳалла раиси уларнинг эҳтиёжларини аниқлаб, онлайн платформаларни тўлдиради. Шунга кўра, уларга ишсизлик нафақаси, субсидия ва стипендия берилади.
Хориждан қайтган мигрантлар учун Реинтеграция марказларини ташкил этиш режалаштирилмоқда
Жамоатчилик муҳокамасига қўйилган президент қарори лойиҳасига мувофиқ, туман ва шаҳар аҳоли бандлигига кўмаклашиш марказлари ҳузурида хориждан қайтиб келган меҳнат мигрантларининг Реинтеграцияси марказларини ташкил этиш таклиф этилмоқда. Марказлар мигрантларга иш топиш, ўз бизнесини бошлаш, субсудия ва имтиёзли кредитлар олишда кўмаклашади.
Японияга махсус мақомда борган ишчилар 5 йилдан кейин оиласини ҳам олиб кетиши мумкин
Ўзбекистон ва Япония ўртасида имзоланган меморандумга мувофиқ, япон тилини билиш даражаси бўйича тест синовларидан ва мутахассислиги бўйича амалиёт имтиҳонидан ўтганларга «махсус малакали ишчилар» мақоми берилади. Улар Японияда 14 турдаги соҳада 10 йилгача ишлаши, 5 йилдан сўнг ўз оиласини ҳам олиб кетиши ва ўз бизнесини бошлаши мумкин бўлади. Уларга камида 1800−2000 доллар маош тўланади.
Депутатлар меҳнат мигрантларига имтиёзлар беришни назарда тутувчи қонунни маъқуллади
Қонунчилик палатаси томонидан мигрантларга оид янги қонун маъқулланди. Унда ташқи меҳнат миграцияси соҳасидаги давлат сиёсатининг асосий йўналишлари белгиланган. Қонунда шунингдек, меҳнат мигрантларини ижтимоий қўллаб-қувватлаш, уларнинг ҳуқуқ ва манфаатларини ҳимоя қилиш ҳамда хориждан қайтганларнинг реинтеграцияси кўзда тутилган.
Қозоғистонда 18 нафар ўзбекистонлик ҳужжатсиз юргани аниқланди
Ўзбекистон Ташқи меҳнат миграцияси агентлиги Қозоғистонда ишлаш учун рухсатномаси мавжуд бўлмаган 18 нафар ўзбекистонликка ҳуқуқий тушунча берди. Улар орасида илк бор қўшни давлатга борганлар огоҳлантирилган, кўпдан бери ишлаётганлари эса жаримага тортилган.
Меҳнат мигрантларига Россияда ишлаш учун «патент» олиш осонлашади
Ўзбекистонлик меҳнат муҳожирларига Россияда ишлаш учун рухсат (патент) олишни соддалаштиришга эришилди. Унга кўра, Тошкентда мигрантларга рухсатнома бериш хизматини кўрсатувчи Россиянинг тегишли ташкилотлари филиаллари очиладиган бўлди.
Хорижликлар учун Россияда қолиш муддати яна узайтирилди
Пандемия сабабли ҳорижликлар ва Россия фуқаролигига эга бўлмаган шахслар учун мамлакатда қолиш муддати 15 декабргача узайтирилди. Ўзбекистон элчихонаси РФда ноқонуний яшаб келаётган фуқароларни мамлакатда бўлиб туришларини қонунийлаштиришга ва ишлаш учун рухсатномаларни расмийлаштиришга чақирди.
Қайси вилоятлардан қанча кишининг хорижда ишлаётгани маълум қилинди
БМТ маълумотларига кўра, бугунги кунда 2 млн дан ортиқ Ўзбекистон фуқароси хорижда ишламоқда. Энг кўп меҳнат мигрантлари Россияда — 1,5 млн фаолият юритишади. Вилоятлар ҳиссаси бўйича эса энг кўп меҳнат мигрантлари Самарқанддан — 268 минг ва Фарғонадан — 247 минг эканлиги маълум қилинди.
Чет элдаги муваффақиятли фуқаролар номи «олтин дафтар»га киритилади
Президент ташаббуси билан «олтин дафтар» маълумотлар базаси яратилади. Унинг таркибига ўзбекистонлик потенциал сармоядорлар ва нуфузли университетларнинг профессор-ўқитувчилари киритилади.
Энг кўп ўқилган хабарлар | Сўнгги янгиликлар
- Тўлдирилди: Давлат идоралари ўз автопаркини электромобиллар билан янгиламоқда
- «Муваффақият жинсга эмас, билим ва қобилиятларга боғлиқ». Мактабда ўқийдиган дастурчи қизлар — лойиҳалари, орзулари ва стереотиплар ҳақида (2)
- Ўзбекистон Афғонистонга 169 тоннадан ортиқ инсонпарварлик ёрдамини юборди (фото)
- «Боғнинг менежери давлат бўлиши нотўғри. Бутун дунёда шунақа» — Тошкент ҳокими (видео)
- Бош прокуратура Ниғматилла Йўлдошев ва қидирувдаги тадбиркор ўртасидаги суҳбат видеосига изоҳ берди
Қўшимча имкониятларга эга булиш учун сайтда рўйхатдан ўтинг